CLL Immunisation Centre ကို SEA LION စီးပွားရေးလုပ်ငန်းစု၏ လုပ်ငန်းခွဲအသစ်တစ်ခုဖြစ်သော Care for Life and Longevity (CLL) Co Ltd မှ ရင်းနှီးမြှုပ်နှံစီမံဆောင်ရွက်ခြင်းဖြစ်ပါသည်။ SEA LION သည် မြန်မာနိုင်ငံ၏ ပုဂ္ဂလိကကျန်းမာရေးကဏ္ဍတွင် အဓိက လုပ်ကိုင်ဆောင်ရွက်နေသော အဖွဲ့အစည်းတစ်ခုဖြစ်ပြီး ကျန်းမာရေးနှင့် ဆေးပညာ၊ စက်မှုသက်မွေးပညာ၊ စက်မှုအလိုအလျောက်နည်းပညာ၊ သတင်းနှင့် နည်းပညာကဏ္ဍတို့တွင် ကမ္ဘာတစ်ဝှမ်း နှင့် ဒေသတွင်းတွင် ရှေ့တန်းမှ ဦးဆောင်လျက်ရှိသော GE Healthcare, Johnson & Johnson, Medtronic, Abbott, BD, Festo, IBM နှင့် Bangkok Dusit Medical Services PLC (BDMS) အစရှိသော ကုမ္ပဏီများနှင့် တရားဝင်မိတ်ဖက် လက်တွဲ ဆောင်ရွက်လျက်ရှိပါသည်။ SEA LION သည် ကျန်းမာရေးကဏ္ဍတွင် တတ်ကျွမ်းသောသူများ၏ စီမံခန့်ခွဲမှုဖြင့် အရည်အသွေးပြည့်မီသော ဆေးဝါးနှင့်ဆေးပစ္စည်းကိရိယာများ ကျန်းမာရေးဝန်ဆောင်မှုများစွာကိုပေးလျက်ရှိပြီး အဆင့်မြင့်ဆေးဘက်ဆိုင်ရာနည်းပညာများကို ထိရောက်စွာအသုံးပြုနိုင်ရန်ဆောင်ရွက်ပေးခြင်း၊ ဆေးနှင့်ဆေးပစ္စည်းကိရိယာများသိမ်းဆည်း သိုလှောင်ဖြန့်ဖြူးရေးဝန်ဆောင်မှုများ၊ ဓါတ်ခွဲဝန်ဆောင်မှုများ၊ အထူးကုကျန်းမာရေး ဝန်ဆောင်မှုများ၊ ပြည်ပသို့သွားရောက် ဆေးကုသခြင်းအတွက်ဝန်ဆောင်မှုများကိုပါ ဆောင်ရွက်ခြင်းဖြင့် မြန်မာနိုင်ငံ၏ကျန်းမာရေးစောင့်ရှောက်မှုအရည်အသွေးပိုမိုတိုးတက်လာစေရန် အစဉ်ကြိုးပမ်းလျက်ရှိပါသည်။

​​

SEA LION စီးပွားရေးလုပ်ငန်းစု ၏ အဖွဲ့ဝင်လုပ်ငန်းများဖြစ်သော Sea Lion Co Ltd, Sirius Logistics and Distribution Solutions (SLDS) Co Ltd, Sea Lion Civil Tech Consulting (SCC) Co Ltd, N Health Myanmar Laboratory, OEC Specialty Clinic, Aryu Thukha Multi-Specialty Clinic, Bahosi Fertility Centre နှင့် Sea Lion Medical Travel တို့မှ မြန်မာနိုင်ငံ၏ကျန်းမာရေးကဏ္ဍတွင် မတူကွဲပြားစုံလင်သော လုပ်ငန်းများစွာကို ဝန်ဆောင်မှုပေးလျက်ရှိပါသည်။

​

ပိုမိုသိရှိလိုပါက www.sealiongroup.com တွင် လေ့လာနိုင်ပါသည်။